Kryetarja e Lëvizjes Socialiste për Integrim, Monika Kryemadhi e cilësoi prezantimin e paktës ligjore “Anti-KÇK” si provokim ndaj shqiptarëve dhe sistemit të drejtësisë.
“Me krijimin e policisë politike Edi Rama vazhdon dhe provokon qytetarët shqiptarë, sistemin e drejtësisë. Sot që ngrihet SPAK ai lançon KÇK-në e famshme, policinë politike të tij.”, tha Kryemadhi.
Deklaratën e Ramës se kush nuk do të votojë këtë paketë do të përjashtohet nga grupi parlamentar socialist, Kryemadhi se quajti presion dhe shtoi se kjo tregon orientimin e vendit drejtë diktaturës.
“Me veprimin e sotëm që kërcënoi dhe deputetët e tij tregon orientimin që po i jep Edi Rama vendit drejtë diktaturës.”, deklaroi ajo.
Ndër të tjera, kreu i LSI-së tha se njësia speciale policore që po krijohet ka si qëllim shkatërrimin e provave për SPAK dhe të pengojë atë të kryejë hetimet.
“Shikojmë se si një polici e tillë vendoset për të shkatërruar provat për SPAK dhe të pengojë hetimin e rasteve korruptive.”/ Opinion.al
