Apeli i GJKKO ka lënë në fuqi sekuestron e vilës në Hamallaj.
Arben Ahmetaj kërkoi heqjen e sekuestros së vilës në Hamallaj të Erjola Hoxhës, bashkëjetueses së tij si dhe të një vile në Palasë, që figuron në emër të Elda Dinajt.
Gjykata arriti në konkluzionin se këto pasuri do të duhet të qëndrojnë të sekuestruar, pasi ka dyshime se ato mund të tjetërsohen. Seanca në fjalë është zhvilluar në dhomë këshillimi, pra një proces pa praninë të palëve, por mbi bazën e dokumentacionit të depozituar nga përfaqësuesi ligjor i Ahmetajt.
Vendimi i Gjykatës:
“Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtari DhimitĽr Lara, sot më datë 26.04.2023, shpalli vendimin lidhur me çështjen e regjistruar me nr. 70 akti, datë 12.04.2023 regjistrimi, mbi ankimin e paraqitur nga ankuesit E.H., E.D., kundër vendimit nr. 137 datë 23.03.2023 të Gjykatës së Posaçme të Shkallës së Parë për Korrupsionin dhe Krimin e Organizuar, që ka disponuar mbi caktimin e masës së sigurimit pasuror, sekuestro preventive, mbi pasuritë e paluajtshme.
Në përfundim, Gjykata e Posaçme e Apelit për Korrupsionin dhe Krimin e Organizuar vendosi:
– Miratimin e vendimit nr. 137, datë 23.03.2023 të Gjykatës së Posaçme të Shkallës së Parë për Korrupsionin dhe Krimin e Organizuar për ankuesit znj. EH. Dhe znj. E.D”, shkruhet në deklaratë./Opinion.al
