Një anketë e prezantuar nga IDRA dhe i mbështetur nga OSBE kërkon të na tregojë se gati gjysma e shqiptarëve nuk kanë mendim negativ për diktaturën. Shifrat që na prezantohen janë vertet të habitshme, kur dihet qartë se çfarë krimesh çnjerëzore janë kryer në diktaturë.
Por le të shohim rezultatet e anketës…
Eshtë kryer nga Instituti për Kërkime dhe Alternativa Zhvillimi, IDRA dhe është financuar nga OSBE.
49% e të anketuarve mendojnë se diktatura ishte një ide e mirë, por e zbatuar keq.
37% mendojnë se komunizimi është një ide e gabuar.
45% mendojnë se Enver Hoxha ka patur ndikim pozitiv në vend.
Vetëm 10% e të anketuarve thanë se ishte një ide e mirë dhe e zbatuar mirë.
U intervistuan 995 persona mbi 16 vjeç, tha përfaqësuesi i IDRA-s.
***
Prezenca e OSBE në Shqipëri ishte e pranishme në këtë aktivitet ku “u shpalos” perceptimi i shqiptarëve për diktaturën. Ambasadori Bernd Borchardt theksoi se duhet të hapen dosjet e komunizmit. “Çdo vend duhet të zhvillojë një narrativë liberalizuese”, u shpreh ai.
Ndërsa Ambasadorja Susanne Schutz, gjermane u shpreh se “Autoriteti për hapjen e dosjeve duhet të jetë në gjendje të bëjë punën e vet pa u instrumentalizuar nga ndonjë parti politike, por ta bëjë këtë punë për hir të shoqërisë shqiptare”.
Ndërsa drejtuesja e Autoritetit të Dosjeve tha se qytetarët kanë frikë nga e kaluara.
“Është e pafalshme që ne ta pranojmë sot përditë që fëmijët tanë të rriten në një shoqëri që akoma ka kaq shumë frikë nga një diktaturë, nga një fantazëm e kaluar para 45 vjetësh”, u shpreh Gentiana Sula.
