Kreu i Komisionit Qendror të Zgjedhjeve, Ilirjan Celibashi po zhvillon sot një konferencë për mediat, për të folur lidhur me problematikat e procesit të votimit.
Në fjalën e tij për mediat, Celibashi u shpreh se janë rreth 11 mijë zarfe, të cilat nuk tërhequr nga votuesit shqiptarë që jetojnë jashtë pasi ka pasur problematika me adresë dhe shërbimi postar nuk ka mundur të gjejë vendodhjen.
Ai deklaroi se KQZ ka një kontratë me kompaninë postare DHL për shpërndarjen e fletëve të votimit për emigrantët, por vlerësimi për performancën e saj do të bëhet pas përfundimit të procesit.
“Janë rreth 21 mijë zarfa të cilat nuk janë shpërndarë akoma, DHL nuk i ka shpërndarë akoma, prej tyre 11 mijë janë për shkak të problematikave të lidhura me pasaktësinë e adresës, emalit dhe numrin e telefonit.
Pra 11 mijë votues DHL nuk ka mundur ti gjejë. Që do të thotë se zarfat janë në zyrat e tyre. Para disa ditësh i bëmë thirrje votuesve që janë regjistruar, pra cdo njërit prej atyre 245 935 që nuk e kanë marrë fletën e votimit të interesohen pranë shërbimit të DHL përkatëse.
Pjesa tjetër lidhet me ata votues që DHL mund ti ketë kontaktuar, nuk i janë përgjigjur mesazhit të DHL dhe janë në pritje deri në datën 8 në zyrat e DHL. Ata duhet të bëjnë të treja tentativat dhe më pas duhet të presin nëse vetë zgjedhësi do ti kontaktojë. Diferenca tjetër është me numrin e zarfeve që sot pritet të vijnë”, tha Celibashi.
