Alketa Vejsiu kishte vendosur që të ballafaqonte konkurrentët e spektaklit “Dance With Me” me pyetjet më pikante nga rrjetet sociale në puntatën e së hënës. Menjëherë pas performancës së Anjeza Majës dhe Romeo Veshaj, moderatorja tha se për ta ka shumë kuriozitet nga fansat nëse janë çift edhe në jetë.
“Thuaj atij që ta ka bërë këtë pyetjen se ka shumë fantazi. Por që nuk është aspak e vërtetë” – tha Romeo.
“Jemi shumë të lumtur në këtë spektakël. Ajo çfarë thuhet është aq e pavërtetë saqë nuk duam as edhe t’i përgjigjemi.” – u përgjigj Anjeza.
“Unë e kam si goc halle Anjezën” – tha aktori i humorit, duke theksuar se nuk ka asgjë mes tyre.
Anjeza Maja dhe Romeo janë komentuar shumë për kiminë mes tyre në kërcim.
