Kryeministri Rama ka publikuar disa foto nga momenti i ankorimit në Portin e Durrësit të anijes luksoze “Nautica”, që solli fundjavën që lamë pas plot 676 turistë për të eksploruar qytetin historik.
Sipas kryeministrit Rama turistët vinin nga shumë vende të botës, kryesisht nga SHBA dhe Australia.
“676 turistë nga SHBA, Australia dhe vende të tjera të botës, janë ndalur këtë fundjavë në Portin e Durrësit me anijen kroçierë ‘Nautica’, ndërsa kanë eksploruar sitet historike të qytetit bregdetar dhe bukuritë e zonave përreth, duke përjetuar edhe mikpritjen e pashoqe shqiptare.”, shkruan Rama ndërsa ndan dhe disa foto nga momenti i ankorimit të anijes në Port dhe zbritjes së turistëve.
Anija Nautica ka një gjatësi 182 m dhe kapacitet për 684 udhëtarë, lundron nën flamurin e Ishujve Marshall dhe është pjesë e flotës prestigjioze të Oceania Cruises.
Rritja e ndalesave të kroçerave në Portin e Durrësit është tregues i qartë i potencialit turistik të qytetit.
