Anglia ka fituar 2:0 ndaj Suedisë dhe është kualifikuar për në gjysmëfinale.
Anglia do të jetë njëra nga katër skuadrat më të mira të globit. “Tre Luanët” mposhtën me shifrat e pastra 2-0 Suedinë, duke siguruar kështu një biletë për në gjysmëfinalen e Kupës së Botës, Rusi 2018.
Në “Samara Arena” u zhvillua një ndeshje mjaft e luftuar, por eksperienca dhe cilësitë e anglezëve fituan ndaj pragmatizmit të nordikëve, që nuk arritën të shënonin të paktën një gol për herë të parë në këtë Kupë Bote.
Golat e takimit u shënuan nga Maguire dhe Dele Alli në minutat 30-të dhe 59-të. Fituesi i kësaj përballjeje do të gjej në gjysmëfinale fituesin e çiftit Rusi-Kroaci.
