Shtatë deputetë laburistë kanë braktisur partinë e tyre dhe do të formojnë një grup të pavarur në Parlamentin anglez. Vendimi i deputetëve erdhi për tre arsye kryesore: linja e majtë radikale e Jeremy Corbyn nuk është kapërdirë kurrë nga laburistët e qendrës, apo siç quhen ndryshe “blerianë”; linja e paqartë e liderit të Partisë Laburiste ndaj çështjes Brexit dhe së fundmi, polemikat antisemite në parti.
Deputetët “rebelë” janë Luciana Berger, e cila gjatë kongresit të partisë u shoqërua për shkak se ekzistonte rreziku se mund të sulmohej nga antisemitët, politikani i ri Chuka Umunna i cili quhet edhe si “Obama anglez”, Mike Gapes, Angela Smith, Ann Coffey, Gavin Shuker dhe Chris Leslie.
“Nuk ndihemi më pjesë e këtij projekti politik. Partia është spostuar shumë drejt të majtës ekstreme dhe ka qëndrime anti-semite, përtej ideve shumë të rrezikshme në politikën e jashtme, në lidhje me Rusinë, Sirinë dhe Venezuelën. Na duhet diçka e re”, kanë deklaruar deputetët.
