Angela Merkel do të largohet nga posti i kancelares në vitin 2021. Ky vendim erdhi pas humbjeve të thella në zgjedhjet rajonale te Hessenit.
Merkel konfirmoi largimin sot. Një ditë pas humbjes së mijëra votave në zgjedhjet parlamentare të së dielës. Zgjedhje ku koalicioni qeveritar shënoi rezulatet më të ulëta që prej vitit 1966. Edhe pse ka numrin më të madh të votave në Hessen, rezultati i arritur është më i ulëti prej shumë dekadash. Gjatë ditëve në vazhdim, Merkel do të largohet edhe nga drejtimi i CDU-së. Post te cilin e ka mbajtur që në vitet 200
CDU mori 27,4 për qind të votave, 11 pikë përqindje më pak se zgjedhjet e mëparshme. Partia tjetër e koalicionit qeverisës, SPD mori një goditje në Hessen, duke fituar 19,6 për qind të votave, sërish 11 pikë përqindje më pak se në zgjedhjet e mëparshme.
Në vend të tretë, u rendit partia e gjelbër me 19,5 për qind të votave, ose 8,4 pikë përqind më shumë se katër vite më parë. Ndërkohë, ndër partitë fituese është dhe partia populiste Alternativa për Gjermani (AfD), e cila ka fituar 13% të votave.
“Si kancelare dhe si kryetare e CDU-së unë mbaj përgjegjësi të plotë për sukseset dhe për dështimet. Rezultati I zgjedhjeve ne Hessen ishte i hidhur dhe zhgënjyes; dega e partisë atje duhet të kishte dalë më mirë”, u shpreh ajo.
Ndonëse largimi nga drejtimi i partisë do të ndodhë shpejt, frerët e ekzekutivit Merkel dëshiron t’i mbajë edhe për tre vjet, çka kontraston me pozicionin e mëhershëm të saj në të cilin e lidhte ngushtësisht njërën me tjetrën e thoshte se do të mbetej kancelare vetëm nëse do te ishte kryetare partie.
Parashikimi i abdikimit politik të Angela Merkelit ishte kthyer gati në një sport kombëtar thotë BBC. Me këtë veprim, liderja gjermane e përballur me një luftë të madhe të brendshme së fundmi ka shënuar praktikisht, sipas gjigantit britanik, atë që mund të jetë fillimi i fundit.
Shumë do të varet tani nga pasardhësi i vet në krye të Unionit Kristian Demokrat; nëse është luajal, Gjermania mund të përjetojë një tranzicion të qetë e të butë tek kancelari i ri, çka mund t’i lejojë Merkelit ta kryejë mandatin e saj. Por hutat janë aktivizuar sakaq vazhdon BBC; rivali i vjetër Friedrich Merz e njoftoi kandidaturën e tij dhe nëse në krye të CDU-së vendoset një prej kundërshtarëve të vet politikë, qeverisja e Merkelit do të sfidohet seriozisht.
Ky mandat është i fundit për mua si kancelare. Nuk do të kandidoj për asnjë post politik pasi të mbarojë ky mandat në vitin 2021.”, tha ajo.
