Kancelarja Angela Merkel ka mbajtur fjalimin e lamtumirës si kryetare e partisë në pushtet CDU, pas 18 vitesh në krye të saj. Ajo po fliste në kongresin e partisë së saj që u mblodh për të zgjedhur drejtuesin e ri. Edhe pse ka dhënë dorëheqjen nga drejtimi i forcës politike, Merkel do të qëndrojë Kancelare e Gjermanisë deri në përfundim të mandatit.
Kandidatja për të marrë drejtimin e CDU, Annegret Kramp-Karrenbauer, që është e preferuara e Merkel, është në balotazh me avokatin milioner Friedrich Merz, respektivisht 450 vota me 392. Kandidati i tretë, ministri i Shëndetësisë Jens Spahn ka marrë vetëm 157 vota nga 999 të tilla.
Fjalimi i lamtumirës i Kancelares Merkel u duatrokit nga të gjithë anëtarët dhe delegatët e partisë CDU. Më shumë se gjashtë minuta zgjatën ovacionet dhe duatrokitjet për të.
“Nuk kam nevojë të jem kryetare që të jem e lidhur me këtë parti. Unë jam ende Kancelare”, tha Merkel. 64-vjeçarja paralajmëroi se përpara ka disa sfida të vështira, siç janë ndryshimet klimatike, ruajtja e unitetit të BE-së dhe Brexit./tvklan.al
