Modelja Angela Martini, ka humbur ditën e djeshme miken e saj të ngushtë. Angela e ka ndarë dhimbjen me ndjekësit e saj në Instagram me anë të një statusi ku shpreh të gjithë ndjesitë për miken e saj të ndjerë. Me anë të një fotoje të mikes, ajo i ka kushtuar disa fjalë të ndjera dhe plotë dhimbje:
“Këto janë fjalët më të trishta që më janë dashur të shkruaj deri më sot. Engjëlli im, shoqja ime e ngushtë, ajo që ishte më shumë se një motër për mua, nuk është më!
E dashur Marissa, 8 vite më parë kur ne u njohëm, ti ndryshove jetën time. Më bëre më të fortë, më të zgjuar dhe plot vetëbesim. U bëra e papërshkueshme nga plumbat falë teje! Jeta jote ishte një bekim, dashuria jote nuk përshkruhej me fjalë dhe kujtimet e mia me ty u bënë një thesar për mua.
Do të të jem gjithnjë mirënjohëse për besnikërinë, bujarinë dhe dashurinë tënde! I vetmi mendim që më jep shpresë është që e gjitha kjo është e përkohshme dhe jemi të gjithë kalimtarë në këtë botë.
U prehsh në paqe! Do të të dua përgjithmonë!”
