Partia Socialiste ka ngritur sot edhe një Task Forcë, e cila do të ketë si detyrë koordinimin dhe administrimin e procesit për zgjedhjet e 30 qershorit.
Në këtë strukturë është përfshirë Kryetari i Kuvendit Gramoz Ruçi, kreu i grupit parlamentar Taulant Balla, Ministri i Brendshëm Sandër Lleshaj, Ministrja e Drejtësisë Etilda Gjonaj, zëvendëskryeministri Erion Braçe dhe deputetët Ermonela Felaj, Ulsi Manja, Arben Pëllumbi dhe Damian Gjiknuri.
Kjo Task Forcë ngrihet në një moment kur opozita ka deklaruar se nuk do të marrë pjesë në zgjedhje dhe për më tepër do të angazhohet për të mos i lejuar ato. Nga ana tjetër, kryeministri Rama ka përsëritur se zgjedhjet e 30 qershorit do të mbahen patjetër. Sot Partia Socialiste ka shpallur edhe kandidatët për çdo bashki./Opinion.al
