Pesë persona që trafikonin lëndë narkotike ekstazi, me linjën e autobusëve Prishtinë-Tiranë u arrestuan nga policia.
Ndërkaq, mësohet se njëri prej të arrestuarve është Besnik Mujeci, anëtar i Lëvizjes Vetëvendosje.
Për arrestimin e tij ka reaguar edhe Lëvizja Vetvendosja për Report Tv. Arlind Manxhuka, sekretar për mediat i Lëvizjes Vetvendosja thotë se do të zhvillojnë një mbledhje urgjente për këtë rast dhe do të marrin një vendim.
“Me të marrë informacionin kemi iniciuar menjëherë procedurën disiplinore me ç’rast Komisioni Disiplinor i LVV-së do të mbajë mbledhje urgjente për të trajtuar rastin në fjalë. Pas mbledhjes do t’ju njoftojmë mbi vendimin!- tha Manxhuka sekretar për mediat në LVV.
