Anëtarësimi i tyre do të zgjojë zemërimin e Rusisë. Presidenti Vladimir Putin beson se zgjerimi i NATO-s është një kërcënim i drejtpërdrejtë për sigurinë e vendit të tij, kështu që bashkimi i Suedisë dhe Finlandës në aleancë ka të ngjarë të perceptohet si një provokim.
Ministria e Jashtme e Rusisë thotë se të dy vendet janë paralajmëruar për “pasojat” e një lëvizjeje të tillë. Ish-presidenti Dmitry Medvedev, një aleat i ngushtë i liderit rus, ka paralajmëruar se anëtarësimi në NATO mund ta shtyjë Moskën të vendosë armë bërthamore në Kaliningrad, eksklava ruse midis Polonisë dhe Lituanisë.
Ndërsa nuk i hodhi poshtë këto kërcënime, ish-kryeministri finlandez Alexander Stubb sugjeroi se një rrezik më real ishin sulmet kibernetike ruse, fushatat e dezinformimit dhe shkeljet e herëpashershme të hapësirës ajrore./Opinion.al
