Ambasada e SHBA-së në Tiranë ka përgëzuar Shqipërinë për anëtarësimin e saj në Këshillin e Kombeve të Bashkuara për të Drejtat e Njeriut.
Përmes një postimi në rrjetin social “X”, ambasada e SHBA-së shkruan se janë krenarë që qëndrojnë përkrah Shqipërisë në promovimin e dinjitetit njerëzor dhe drejtësisë në mbarë botën.
Sipas Ambasadës së SHBA-së, Shqipëria ka qenë një zë parimor në Këshillin e Sigurimit të OKB-së dhe zgjedhja e saj në Këshillin e të Drejtave të Njeriut është një mundësi tjetër për të dalë në mbrojtje të më të cenuarve në mbarë botën.
“Urime Shqipërisë për zgjedhjen e saj në Këshillin e Kombeve të Bashkuara për të Drejtat e Njeriut! Shqipëria ka qenë një zë parimor në Këshillin e Sigurimit të OKB-së dhe zgjedhja e saj në Këshillin e të Drejtave të Njeriut është një mundësi tjetër për të dalë në mbrojtje të më të cenuarve në mbarë botën. Ne jemi krenarë që qëndrojmë përkrah Shqipërisë në promovimin e dinjitetit njerëzor dhe drejtësisë në mbarë botën”, shkruan ambasada e SHBA-së në Tiranë./Opinion.al
Congratulations to Albania on its election to the United Nations Human Rights Council! Albania has been a principled voice on the UN Security Council and its election to the Human Rights Council is another opportunity to stand up for the most vulnerable throughout the world. We… pic.twitter.com/ZE6Vo1j02w
— USEmbassyTirana (@USEmbassyTirana) October 10, 2023
