Tenori i njohur Andrea Bocelli, do të japë të dielën e Pashkëve, koncerin më të vecantë të jetës së tij. Ai do të jetë në katedralen e e zbrazët të “Duomos” në Milano.
Në këtë kocert, Bocelli do të shoqërohet vetëm nga instrumentisti, Emanuele Vianelli, i cili do të luajë me një prej organove më të mëdha në botë.
Tenori italian do të performojë disa nga ariet më të njohura të të gjitha kohërave, si “Ave Maria” e Shubert, “Sancta Maria”.
Por me siguri, këngët e 61-vjeçarit do të kumbojnë krejt ndryshe në kishën e boshatisur nga masat shtrënguese ndaj koronavirusit.
Koncerti që do të transmetohet live, konsiderohet si simbol i dashurisë, shpresës dhe shërimit, në kohën kur Italia dhe mbarë bota, u godit rëndë nga pandemia.
“Këto Pashkë do të jenë ndryshe nga çdo vit, dhe lumturia e dikurshme është zëvendësuar nga mërzia për pandeminë që po përjetojmë. Por jam i sigurt që zëri i jashtëzakonshëm i Bocellit do të jetë përqafimi që na ka munguar në këto ditë, një përqafim që mund të ngrohë Milanon, Italinë dhe botën”, u shpreh kryebashkiaku i Milanos, Giuseppe Sala./Opinion.al
