Në kohën e krizës së emigrantëve që ka prekur Evropën dhe xhiros që botës që bëri fotoja e Aylanit të vogël, ka edhe shembuj pozitiv si futbollisti i Kombëtares Andi Lila që gjejnë kohë të solidarizohen me fëmijët kudo që ata janë. Këtë gjë Lila e ka treguar edhe në një foto të tij të fundit, ku përpos që është një praktikant i devotshëm i besimit islam, ai ka treguar që është një njeri me shpirt të madh, siç është edhe në fushën e lojës ku sakrifica mbetet një nga tiparet që e karakterizon. Në këtë foto Lila të shkrepur me rastin e festës së Kurban Bajramit në një nga xhamitë e Kavajës, futbollisti i Kombëtares ka gjetur kohën të pozojë me fëmijë të moshave të ndryshme, pa shprehur dallime raciale. Një shembull për tu treguar atyre se cila është rruga e drejtë për një jetë të shëndetshme mendore dhe fizike dhe si duhet ata ta gjejnë këtë rrugë.
