Në Spanjë është bërë e sigurt dhe nuk ka asnjë dyshim, tashmë Carlo Ancelotti do të jetë trajneri i ri i Brazilit.
Është gjetur një akord total ndërmjet palëve dhe tashmë pritet vetëm që tekniku “azzurr” të lirohet nga Real Madrid, në fund të këtij sezoni, madje përpara Botërorit për Klube, për të bërë më pas zyrtare marrëveshjen e arritur ndërmjet Realit dhe 5 herë kampionëve të Botës.
Gjithashtu mediat ndërkombëtare kanë shkuar edhe më tej duke zbuluar detaje nga akordi i arritur ndërmjet tyre.
Ancelotti do të firmos një kontratë të vlefshme deri në përfundimit të Botërorit 2026, por me opsion rinovimi edhe për katër vite të tjera, deri në Botërorin e 2030 që do të zhvillohet në Spanjë, Portugali dhe Marok. Ancelotti do të përfitojë jo pak, por rreth 10 milionë euro në vit.
