Nëse Roma ka një armik ditët e sotme, ai quhet Francesco Totti.
Mos tingëllon keq? Mos është blasfemi? Natyrisht!
Por ndonjëherë blasfemuesit dinë se kë mallkojnë. Idhujtaria e sulmuesit po e vret Romaën. Dhe ai po vret trajnerët e tij, një e nga një. Më i fundit është Luciano Spalletti. Të martën, gjatë konferencës zyrtare për shtyp, 10 nga 17 pyetjet ishin fokusuar rreth Tottit, dhe jo ndeshjes kundër Torinos.
Edhe mbas ndeshjes kundër Atalantas gjatë fundjavës, i gjithë shtypi u fokusua te goli i barazimit të Tottit.
Asnjë fjalë mbi Perottin i cili luajti një ndeshje fantastike, dhe meritonte më shumë duartrokitje seç mori. Vetëm Totti.
Spalletti u rikthye në momentin kur Roma ishte në një vend të errët, dhe arriti ta përmbyste në mënyrë komplete për t’i vendosur midis tre më të mirave kur dukej sikur ata do ta humbnin shansin për të luajtur në Evropë.
Kjo erdhi për shkak të një ecurie pozitive prej tetë fitoresh radhazi, pa ndihmën e Tottit.
Prapë, njerëzit nuk mund ta dallojnë që idhulli i tyre po kthehet në një simptomë e atmosferës helmuese që rrethon “Trigorian” gjatë këtij sezoni.
Me Inter që i ndjek hap pas hapi në garën për vendin e Champions League, Romas nuk i duhen këto zënka qesharake midis lojtarit dhe trajnerit, gjë që nuk do ta ndihmojë ekipin.
Largimi i Tottit në verë tashmë duket i sigurt, dhe megjithëse ka disa tifozë nuk do ta presin mirë, në fund të fundit do të ishte për të mirën e ekipit.
Hija e Tottit ka qarkulluar më shumë seç duhet mbi Roman.
