Rasti i Xhisielës është trjatuar gjerësisht si nga media ashtu edhe politika. Kësaj here për kë rast ka dhënë mendimin profesional edhe një psikiatër. I ftuar në rubrikën “Opinion” në News 24, psikiatri Neli Demi u shpreh se vajza ishte nën presion. Ai gjithashtu tha se Xhisiela dukej si një vajzë që vinte nga një dhunë e vazhdueshme, dhe se presioni ndaj saj është ushtruar nga shumë persona.
“Vajza nuk është në gjendje t’i shërbejë publikut për këtë fenomen që ka tërhequr publikun pasi barra për të sqaruar këto gjëra nuk i takon asaj. Ajo dhe familja e saj duhet të merret në mbrojtje për të krijuar një ambient që të lehtësojë gjëndjen psikologjike të vajzës.
U bënë shumë analiza për përgjigjet kondradiktore, por nuk është çudi kur je brenda ciklit të dhunës, se bëhen dhe për të mbrojtur veten pas frikës ekstreme.
Vura re te Xhsiela një presion të jashtëzakonshëm nga gjuha e saj trupore. Thashë që ka nevojë për ekzaminim të hollësishëm, që duhet të ishte një nga hapat e parë për të krijuar ambient të sigurtë për personin.
Nëse këto hapa nuk ndërmerren, nuk shoh ndonjë pritshmëri pozitive lidhur me gjendjen e saj psikologjike”.
Sipas jush ka fshehur dhunën se ndihet e kërcënuar?
“Në rast se marrim të mirëqenë të gjitha denoncimet, është e qartë si drita e diellit se tani ajo është e dhunuar dhe po e fsheh atë dhënë si pasojë e një presioni të vazhdueshëm mbi të, nga disa persona, jo vetëm nga ish-i dashuri i saj. Bërja publik e këtij rasti jep mundësinë për të ndërhyrë, për të bërë ndryshime, për t’u marrë masa,” tha Demi.
