Te Fundit

Analiza e 25 Prillit, drejtuesit e qarqeve dorëzojnë raportet


Bëhu pjesë e Grupit Zyrtar të Opinion.al
>> KËTU <<
               Publikuar në : 19:45 - 05/07/21 |
Opi Nion

Drejtuesit politik të Partisë Demokratike në qarqe dorëzojnë tek Sekretari i Përgjithshëm raportin përmbledhës të analizës për zgjedhjet parlamentare të 25 Prillit. Në këto 12 raporte drejtuesit politik të qarqeve së bashku me drejtuesit e degëve të PD paraqesin të gjithë faktorët që ndikuan për mos arritjen e objektit më 25 Prill.

Raporti përmban përgjigjet për ndikimin që kanë pasur faktorët lokalë në qarqe, por edhe krijimi I forcave të reja politike tek votuesit e PD. Pas dorëzimit të raportit, më 10 Korrik do të jetë Kryesia e Partisë e cila do të bëjë shqyrtimin e përmbajtjes së raportit, në bazë të të cilit do të bëhet vlerësimi për të gjithë drejtuesit e qarqeve.

Pas shqyrtimit të raportit nga kryesia, e cila është faza e parë e analizës së zgjedhjeve për 25 prillin, Sekretariati Organizativ i Partisë nga data 11 Korrik deri më 31 Gusht do të bëjë një analizë të detajuar të raportit për çdo seksion dhe grupseksion dhe po ashtu do të verifikojë performancën e të gjitha niveleve lokale të partisë, për të zbuluar mangësitë dhe nevojat për të forcuar këtë forcë politike.

Brenda datës 1 Shtator,Sekretariati Organizativ i Partisë duhet t’i paraqesë Kryesisë së Partisë një informacion të plotë për gjendjen dhe veprimtarinë e strukturave vendore të partisë, si dhe mund të propozojë ndryshime në strukturat vendore të Partisë. I gjithë procesi i analizës së zgjedhjeve parlamentare të 25 Prillit dhe ristrukturimi i organeve vendore të Partisë, përfundon brenda datës 30 Shtator 2021.

 

Pas