Ardit Gjebrea i është rikthyer muzikës! Por për këtë i është dashur një motiv i fortë, siç ishte vajza e tij Anna. Drejtuesi i “Këngës Magjike” është ngjitur edhe vetë në skenë këtë vit duke interpretuar pranë vajzës së tij të vogël një këngë tepër të veçantë.
Ata kanë interpretuar një këngë të kompozuar enkas për atë mbrëmje, e që i kushtohej pikërisht dashurisë hyjnore baba-vajzë. Publiku duartrokiti forte duetin Gjebrea, e po ashtu të shumta ishin komentet për Annën, e cila befasoi me zërin e saj.
Opinion.al ka siguruar një intervistë të shkurtër me Annën ditën e sotme përpara se ajo të këndonte sërish këngë me babain e saj, këtë herë në skenën e “E Diela Shqiptare”.
Ndonëse e vogël, ajo flet si e madhe; Anna tregon se çdo gjë kishte shkuar shumë mirë, madje më mirë se ajo e priste, nuk kishte patur fare emocione e po ashtu tha se komentet që kishte marrë një ditë pas “Këngës Magjike” ishin shumë pozitive.
Intervista
A pate emocione ditën e djeshme në një skenë të madhe siç është ajo e “Këngës Magjike” ku ti interpretove me babain tënd. Si u ndjeve?
Unë u ndjeva shumë mirë dhe nuk kisha fare emocione.
Sa prova realizove tek skena?
Kam bërë një prove ditën e shtunë dhe një provë ditën e premte dhe vetëm kaq.
Si shkoi perfomanca jote ?
Shkoi më mirë seç e prisja në të vërtetë.
Cilat janë komentet që ti ke marrë gjatë ditës së sotme, çfarë të kanë thënë njerëzit qe ke takuar?
Më kanë thënë shumë gjë të mira dhe pozitive.
Kush të komplimenti më shumë?
Të gjithë.
Ana ditën e djeshme doli në skenë me një fustan të bardhë që e tregoi atë një preinceshe të vertetë, ndërsa sot me një veshje në ngjyrë vishnje, ku shkëlqeu po ashtu në skenën e “Ediela Shqiptare”./G.Z-Opinion.al
