Pas deklaratës së Kryeministrit Rama gjatë Kongresit, për amnisti fiskale për pasuritë e padeklaruara, ka reaguar ish-deputeti i Partisë Demokratike, Gent Strazimiri.
Përmes një postimi në FB, Strazimiri shkruan se Rama lançon amnisti për paret e çunave, (sikurse i cilëson), sepse edhe votat për mandatin e tretë do ia marrin çunat.
Ky nëntekst i Strazimirit, të çon në fakt tek përgjimet e publikuara nga gazeta gjermane “Build”, ku dëgjohej ish-ministri Gjiknuri në një bisedë telefonike, ku thoshte se gjatë zgjedhjeve në Dibër po të ishte e nevojshme mund të dërgonte disa nga çunat e tij.
Postimi i Strazimirit
Kërkon “një mandat të tretë” dhe “800 mijë vota”, por nuk “lançon”:
– as rritje pagash,
– as rritje pensionesh,
– as ulje taksash,
– as ulje të çmimeve,
JO!
“Lançon amnesti të përgjithëshme” për paret e “çunave”… mjafton që të mos jenë pare droge (?!), prostitucioni (?!), trafiqesh…. (?!)
PSE?
Sepse e qeveria e “çunave”, për të marrë “mandatin e tretë” nuk ka nevojë për votën e pensionistit, as të rrogtarit, as te dyqanxhiut e biznesmenit!!!
Qeverisë së “çunave”, votën ia sjellin “çunat”!!!
“Çunat” me “influencat” e tyre, merren me grumbullimin e votave për qeverinë “që u qan hallet” !!!!
Qeverisë së “çunave” nuk i duhet vota për të marrë mandatin e tretë, sepse do ia marrin “çunat” … siç “morën votat” për mandatin e dytë!!!!
KAQ!!!!!!
Kujtojmë se Kryeministri ka ofruar amnisti fiskale për paratë e padeklaruara deri më tani, kryesisht nga emigrantët, por pa përfshirë këtu lekët e ardhura nga aktivitete të paligjshme si te pasuritë e politikanëve dhe përfaqësuesve të drejtësisë. /Opinion.al
