Në një kohë kur debati për ndërtimin e murit në kufirin jugor me Meksikën vazhdon të mbetet i nxehtë, Shtetet e Bashkuara kanë vendosur të ndërtojnë një tjetër mur në veri, për të ruajtur tokën e New Yorkut nga përparimi i detit.
Sipas CNN Staten Island do të forcohet me një lloj strukture që do të shtrihet 5,3 milje përgjatë bregdetit, e konceptuar të zbrapsë një kërcënim në rritje. Sipas planit, pritet që muri të përfundojë brenda vitit 2025, ndërsa alarmi u ngrit pas një uragani të vitit 2012, ku dallgët që goditën zonën arritën deri në 10 metra lartës.
Ndryshimet klimatike parashikohet të krijojnë një sistem metereologjik më të fuqishëm dhe ekstrem në mbarë globin, ndaj problemi i afrimit të ujit në dëm të tokës është vënë në qendër të vëmendjes së autoriteteve amerikane, teksa Qendra për Integritetin Klimatik ka vlerësuar që vendit mund t’i duhet të shpenzojë deri në 400 miliardë dollarë në 20 vitet e ardhshme për të mbrojtur qendrat e banuara në bregdet.
Argjinaturat e para janë ndërtuar përpara disa shekujsh, megjithatë sot mund të jenë ndoshta asetet më të vyera se kurrë ndonjëherë më parë përsa i takon mbrojtjes së njerëzve që jetojnë në zonat e rrezikuara bregdetare. Në shumë vende, ato konsiderohen jetike për të mbrojtur tokën dhe pronat që në të kundërt, do të gëlltiteshin nga uji./Opinion.al
