Gjatë gjithë ditës sot është shkruar e komentuar në mediat online për ambulanca që mbeten të bllokuara për shkak të protestës së opozitës. Numri II i PD-së, Edi Paloka tha se kjo ishte një lojë e qeverisë për të treguar se “protestuesit janë çnjerëzor”.
Ai tha se janë përdorur ambulanca me qëllim që protestuesit t’i bllokonin gjatë orarit të protestës, por gjithçka sipas tij, doli blof, pasi ambulancat u lejuan të kalojnë.
“Kishim dijeni se gjatë protestës do përdoreshin ambulanca që të dukeshim çnjerëzorë. Por skenari doli blof, ambulancat me të sëmurë fallco u lejuan të kalojnë”, deklaroi Paloka.
