Mosdekretimi i figurës së Sandër Lleshit si Ministër i Brendshëm nga Presidenti Meta ka sjellë edhe reagimin e diplomacisë së huaj.
Ambasadorja franceze Christina Vasak u shpreh sot nga Korça se Presidenti Meta dhe kryeministri Rama e dinë mirë se çfarë duhet të bëjnë lidhur me çështjen Lleshi.
“Kushtetuta shqiptare më duket e qartë. Unë mund të reagoj si juriste por nuk më takon mua dhe kolegëve të mi të reagojmë për këtë situatë. Mendoj që si kryeministri ashtu edhe presidenti janë persona me eksperiencë në politikë që kanë shkëmbime permanente mes tyre dhe që e dinë shumë mirë se çfarë duhet të ndodhë”, -tha Vasak.
