Ambasadorja e Zvicrës Ruth Huber nga Lini i Pogradecit, tha se partitë politike duhet të punojnë së bashku për të garantuar që edhe diaspora të votojë në zgjedhjet.
Ajo theksoi se punojnë në KQZ për t’i fuqizuar kapacitete, por sipas saj vendimi final për votën e emigrantëve dhe modalitetet duhet të merret nga institucionet shqiptare dhe partitë politike.
Si mund të zgjidhet ngërçi politik për te përfshirë dhe emigrantet ne votim?
“Vendimi për votën e emigrantëve është një vendim që duhet marrë nga partitë politike së bashku. Unë mund te them vetëm që ne qytetarët zviceranë kemi të drejtë të votojmë edhe kur jetojmë jashtë dhe kuptoj që kjo është një çështje e rëndësishme për diasporën shqiptare qe është e shumtë. Ne punojmë gjithashtu në KQZ për t’i fuqizuar kapacitete. Por vendimi final për votën e emigrantëve dhe modalitetet duhet të merret nga institucionet shqiptare dhe partitë politike”, tha Huber.
