Sot ambasadorja e SHBA në Tiranë, Yuri Kim ka zhvilluar një takim me Komisionin e Pavarur të Kualifikimit.
Lajmi është bërë i ditur nga ambasadorja përmes një postimi në rrjetet sociale, e cila ka falenderuar këtë institucion për punën e bërë. Gjithashtu Kim shton se mbështesin dhe insistojnë në pavarësinë dhe integritetin e KPK.
“Kam pasur një takim të sinqertë me Komisionin e Pavarur të Kualifikimit në lidhje me presionin dhe sfidat me të cilat përballen. I falënderova për punën e tyre vitin e kaluar, që vazhdoi pavarësisht Covid. SHBA mbështet fuqimisht dhe insiston në pavarësinë dhe integritetin e KPK për hir të drejtësisë në Shqipëri”,-shprehet Kim./ Opinion.al
