Ambasadorja e Shteteve të Bashkuara të Amerikës, Yuri Kim ka rezultuar pozitive me COVID-19. Ka qenë vetë ambasadorja që ka bërë të ditur lajmin përmes një postimi në Twitter. Kim shkruan se aktualisht është vetë-izoluar në banesë, ku po vazhdon punën për ditët në vijim.
Ndër të tjera ambasadorja amerikane iu ka bërë thirrje shqiptarve të tregohen vigjilentë kur bëhet fjalë për shëndetin.
“Miq, doja t’ju njoftoja se kam testuar pozitivisht për COVID-19. Unë do të vazhdoj të kryej detyrat e mia ndërsa vetë-izolohem në shtëpi për ditët në vijim. Faleminderit për urimet tuaja dhe ju lutemi qëndroni vigjilentë për shëndetin tuaj!”, shkruan Kim./Opinion.al
