Ambasadorja amerikane në OKB Linda Thomas-Greenfield, deklaron se Rusia ka përdorur armë të ndaluara në luftën me Ukrainën.
Diplomatja amerikane në OKB u bëri thirrje vendeve të tjera anëtare të Kombeve të Bashkuara që të bëjnë Rusinë përgjegjëse për pushtimin e Ukrainës.
Deklarata e Linda Thomas-Greenfield u bë në një seancë speciale të Asamblesë së Përgjithshme të OKB-së për Ukrainën.
Ajo tha se forcat ruse po shkatërrojnë infrastrukturën jetike për popullin ukrainas dhe presidenti rus Vladimir Putin duket i gatshëm të vijojë sulmet.
“Ne kemi parë video të forcave ruse duke lëvizur armë jashtëzakonisht vdekjeprurëse në Ukrainë, e cila nuk ka vend në fushën e betejës. Kjo përfshin municione shkatërruese dhe bomba vakum – të cilat janë të ndaluara sipas Konventës së Gjenevës. Ne kemi parë kolonën vdekjeprurëse 40 milje të gjatë duke sulmuar drejt Kievit. Presidenti Putin vazhdon të përshkallëzohet – duke i vënë forcat bërthamore të Rusisë në gatishmëri të lartë, duke kërcënuar se do të pushtojë Finlandën dhe Suedinë. Në çdo hap të rrugës, Rusia ka tradhtuar Kombet e Bashkuara. Veprimet e Rusisë janë kundër gjithçkaje që përfaqëson ky organ.” ajo tha.
