Kryetari i Partisë Demokratike, Lulzim Bashës ka zhvilluar mëngjesin e sotëm një takim informal me ambasadorët e Bashkimit Europian dhe me zv/ambasadoren amerikane.
Sipas informacioneve, qëllimi i këtij takimi ka qenë pikërisht rikthimi në vëmendjen e partnerëve ndërkombëtarë i të gjitha shqetësimeve që Partia Demokratike i ka bërë publike përgjatë gjithë kësaj kohe, si dhe veprimet e saj në vazhdim.
Mësohet se pjesë e diskutimeve ishin nga reforma zgjedhore, tek puna e SPAK dhe fati i dosjeve që duhet të hetojnë krimin elektoral. Ndërsa është folur për ligjin elektoral, në këtë tryezë ka munguar ambasadori i OSBE, por për demokratët me rendësi është hartimi i një reforme që të garantojë zgjedhje të lira.
Nuk ka mbetur jashtë vëmendjes dhe puna e deritanishme e SPAK, për të cilën PD ka shqetësimet e saj, lidhur pikërisht me vendimmarrjen për dosjen 184. Ndërkohë, ambasadorja amerikane Yuri Kim, mëngjesin e sotëm po zhvillon një takim me kryeministrin Edi Rama./ Opinion.al
