TIRANË- Ka folur edhe “zeri” i Çekisë në Shqipëri për çështjen CEZ. Ambasadorja Broislava Tomasova gjatë një aktiviteti në Elbasan tha se Çekia nuk kishte vënë veton ndaj Shqipërisë për firmosjen e marrëveshjes me CEZ.
“Marrëveshja CEZ është mbyllur para se të diskutohej veto për statusin e vendit kandidat. Banka Botërore dhe KE e kanë mbështetur këtë marrëveshje me CEZ. Ndërkohë Republika çeke si një vend kandidat para se të japë veton shikon progresin e një vendi, integrimin dhe reformat”, tha Tomasova. Deklarata vjen pak ditë pas fjalës së drejtorit të Sekretariatit të Energjisë Janez Kopac në komisionin e veprimtarisë prodhuese. Kopac tha me zë dhe figurë se marrëveshja mes CEZ dhe qeverisë shqiptare është firmos në zyrën time pasi çeke kishte vendosur të bllokonte statusin e vendit kandidat për Shqipërinë.
Më tej, ambasadorja çeke tha se “nuk besoj se problemi kryesor është CEZ-i. Si një diplomate e huaj nuk dua të merrem me këtë çështje të cilën e konsideroj një çështje ndërpolitike në Shqipëri
“. Ndërkohë e pyetur se cili është mendimi i saj për reformat në Shqipëri, ajo u përgjigj se ecuria e tyre merret gjithnjë ne konsideratë nga vendet anëtare dhe se po pritet progres-raporti i Komisionit Evropian të cilin vend anëtar edhe Çekia do ta diskutojë në muajin dhjetor.
