Ambasadori amerikan në Tiranë, Donald Lu ka deklaruar se viti 2017 është një vit i shkëlqyer për Shqipërinë dhe se brenda këtij viti do të nis zbatimi i reformës në drejtësi. Ai thekson se me krijimin e Byrosë së Hetimit do të goditet korrupsioni në nivele të larta. Në këtë takim te mbajtur në Dhomën Amerikane të Tregëtisë ku e pranishme ishte dhe ministria Milva Ekonomi, ambasadori ka shprehur vendosmërinë e tij se SHBA do të mbështesin qeverinë shqiptare në luftën kundër krimit të organizuar.
“2017-ta do të jetë vit i shkëlqyer për Shqipërinë, vit që nis me zbatimin e reformës ne drejtësi që do transformojë klimën e biznesit. Po ashtu, viti 2017 do të jetë vit i zgjedhjeve parlamentare që do të garantojnë stabilitetin demokratik dhe vënien e vendit në shinat drejt integrimit.
Viti 2017 do të trajtojë korrupsionin në nivele të larta nëpërmjet Byrosë së Hetimit dhe strukturës së posaçme antikorrupsion. Disa njerëz mendojnë se unë jam optimist, por unë jam realisht dhe shoh që po vijnë gjëra të mira për Shqipërinë”, është shprehur Ambasadori Lu. /opinion.al
