Ambasadori italian në Shqipëri, Alberto Cutillo ka komentuar sot krizën politike në vend, krijuar pas djegies së mandateve parlamentare nga deputetët e opozitës.
Sipas tij tani është në dorë të maxhorancës që të bëjë një hap pas.
“Djegia e mandateve na ka surprizuar. Mazhoranca duhet të bëjë një hap pas. Kriza politike mund të ndikojë në vendimin e Brukselit” – u shpreh ambasadori italian, në një prononcim për gazetarët, ndërsa shtoi se investitorët italianë janë ndikuar nga kriza politike në Shqipëri.
Opozita e bashkuar prej ditësh po përgatitet për protestën e 13 prillit, ndërsa nga dita të ditë Kuvendi po mbushet me deputetë të rinj të dalë nga listat e dy partive: PD dhe LSI.
Por për presidentin Ilir Meta 85 deputetë janë të ligjshëm në Kuvend./Opinion.al
