Në një deklaratë për mediat, ambasadori i Bashkimit Europian në Shqipëri Luigi Soreca i ka bërë thirrje opozitës për një protestë paqësore, ndërsa ka përsëritur apelin për dialog mes qeverisë dhe opozitës. Ai është shprehur se paqartësia e situatës politike do të vazhdojë më shumë nga ç’është menduar.
“Ne presim si qeveria dhe opozita të angazhohen në një diskutim konstruktiv. Qeveria duhet të punojë për të përmbushur detyrimiet përfshirë këtu dhe kriteret për anëtarësimim në BE. Javën e kaluar thashë që vendimi për të djegur mandatet mund të krijonte një moment paqartësie, dhe do të duhet kohë përpara se të vijë kjo siguri nga KQZ dhe KQZ-së do t’i duhet kohë më shumë se ç’kemi menduar. Prandaj kemi thënë që djegia e mandateve do të ishte anti-produktive për demokracinë. Ne presim që çdo protestë të jetë e paqtë dhe pa dhunë pasi nuk është e mirë për Shqipërinë dhe reputacionin e saj”, u shpreh Soreca.
Ai gjithashtu tha se nesër do të mbërrijnë në Tiranë përfaqësuesit e Parlamentit Europian. “Komisioni i Parlamentit Europanin për çështjet e jashtme do të jetë në Tiranë. Do të bëjnë një vlerësim përpara zgjedhjve të qershorit. Ata do takohen me përfaqësues të mazhorancës, opozitës. Do të ketë një konferëncë për shtyp të enjten paradite. Mendoj se kjo vizitë është e rëndësishme, ata kanë luajtur një rol të rëndësishëm edhe në të shkuarën. Ata do t’i dëgjojnë të dyja palët dhe ne do të bëjmë një vlerësim përpara zgjedhjeve të qershorit”
Sot mazhoranca vendosi të zhvillojë seancën plenare në orën 17:00, për të zëvendësuar seancën e anuluar më 21 shkurt. Menjëherë, opozita ka nisur mobilizimin e anëtarësisë, për të organizuar një protestë përpara Parlamentit në orën 16:30./Opinion.al
