“Kultura e kompromisit nuk është medoemos tipike për këtë vend; ajo duhet të bëhet një moment ku takohen interesat. Gjithkush duhet të bëjë një hap përpara. Ka një urë diku dhe unë jam i sigurt, se ekziston një mënyrë për ta kaluar këtë urë dhe për të siguruar që të gjendet dialogu. Kjo është në interes të shtetasve shqiptarë që duan që ky vend të ecë përpara”.
Është ky mesazhi që ambasadori i BE-së në Tiranë, Luigi Soreca jep për partitë politike në Javën Evropiane.
Në një intervistë për DW, Soreca thotë se sondazhi i fundit që tregoi se 93% e qytetarëve shqiptarë kërkojnë të jenë pjesë e BE-së është një mesazh për politikën, që të punojë për interesat e popullit.
Një nga reformat që ambasadori mbështet më shumë është ajo në drejtësi. Luigi Soreca thekson se ajo ka ecur me ritmet e duhura dhe se “është e pakthyeshme”.
“Së shpejti do të kalojmë kthesën ku reforma e drejtësisë do të bëhet një fakt i përditshëm për qytetarët shqiptarë. Kjo është shpresa jonë dhe mendoj besimi ynë”, thekson ai./ Opinion.al
