Ambasadori i Bashkimit Europian Luigi Soreca ka njoftuar ditën e sotem se është infektuar me koronavirus.
Nëpërmjet një postimi në llogarinë e tij zyrtare në “Twitter”, Soreca njofton se pas kryerjes së testit ka rezultuar pozitiv ndaj virusit. Teksa ka bërë me dije se është në gjendje të mirë shëndetësore dhe i vetizoluar në shtëpi duke ndjeku nga afër punën e tij.
“Pas kryerjes së testit, sot u konfirmova pozitiv ndaj COVID19. Jam mirë me shëndet, ashtu si dhe familja ime. Unë jam në vetizolim në shtëpinë time nga ku do të vazhdoj të ndjek nga afër punën e përditshëme të EUinAlbania. Kujdesuni për veten dhe qëndroni të sigurt!”- shkruan Soreca në “Twitter”.
