Një shuplakë e fortë i ka ardhur sot drejtësisë shqiptare nga përfaqësuesi diplomatik i qeverisë gjermane në vendin tonë. “Mjafton të shohësh gjyqtarët me vila e makina luksoze, për të kuptuar përmasat e korrupsionit në Shqipëri”. Kështu është shprehur sot ambasadori gjerman në Shqipëri, Helmut Hofman, në një tryezë organizuar nga Shoqata e Konsujve të Nderit. Sipas tij korrupsioni në vendin tonë nuk është vetëm çështje perceptimi, por është i prekshëm. “Shqipëria ka problem reputacionin. Nuk është vetëm problem përceptimi, por është problem i vërtetë. Është një gjë që investitorët gjermanë ndonjëherë eksperimentojnë me praktika të qëndrueshme më konkurruese në treg. Kemi diçka që ka të bëjë me pritshmëritë e korrupsonit. Kur vinë këtu, gjithmonë lind pyetja: A do ketë njerëz që në mënyrë të drejtëpërdrejtë apo jo të drejtpërdrejtë presin që duhet të japësh para nën dorë. Kjo është frika me të cilën mund të përballesh në diskutime të tilla. Ka dhe një problem që qeveritë e reja fillojnë t’u japin koncesioneve një frymë të re, jeta e kompanive të ndryshme mund të vështirësohet. Ndonjëherë qeveritë kanë trysni të madhe nga konkurruesit vendor që nuk ju pëlqen këto marrëveshje koncesioni që mund të jepen.
Ka një sundim të dobët të ligjit, ka gjykatës të cilët kanë makina të shtrenjta, vila të shtrenjta. Njerëzit i dinë këto gjëra. Asnjë kompani gjermane asnjëherë nuk ka fituar një çështje gjyqësore në Shqipëri”, ka thene ambasadori/ /Lapsi.al/
