Partitë politike ti përmbahen marrëveshjes së 5 qershorit. Ky ishte mesazhi që nënvizoi ambasadori britanik në Tiranë, Duncan Norman gjatë një vizite në Gjirokastër.
Teksa ditët e fundit janë diskutuar ndryshimet në Kodin Zgjedhor prej ndryshimeve kushtetuese, Norman theksoi se ato duhen arritur me konsensus dhe sa më shpejtë.
“Në mbështesim fuqimisht marrëveshjen e 5 Qershorit, për të cilën punuam në një kohë të gjatë për ta arritur. I përket palëve nëse duan të bëjnë diçka përtej asaj marrëveshjeje. Por, sigurisht koha është e shkutër dhe duhet të gjëjnë një marrëveshje shumë shpejtë nëse duan të bëjnë një marrëveshje përtej 5 qershorit. Duhet që të gjitha palët të negociojnë në mirëbesim që të gjëjnë një konsensus. Shqipëria ka një histori të gjatë në udhëtimin e saj për gjetjen e një konsensusi për Reformën Zgjedhore. Shpresoj që në ditët në vijim palët të gjejnjë një konsensus dhe ne ta shohim atë“, tha ai.
I pyetur në lidhje me sistemin zgjedhor, Norman tha se çdo vend mund të përdorë sistemin zgjedhor që do dhe nuk i përket ambasadorëve të imponohen në këtë drejtim.
“Çdo shtet përdor sisteme të ndyrshme për zgjedhjet dhe çdo sistem ka avantazhet dhe dezavantazhet e tij. Nuk mendoj se i përket një ambasadori që të thotë se çfarë sistemi duhet të përdoret këtu. Kjo i përket partive që të vendosin për sistemin që do të përdorin“, u shpreh Norman.
Norman theksoi gjithashtu se duhet të vijojë lufta e përbashkët ndaj krimit të organizuar.
“Britania e Madhe po punon në mënyrë të ngushtë me qeverinë shqiptare për të luftuar krimin e organizuar dhe vazhdon të jetë një sfidë e madhe. Çfarë ndodh në Britaninë e Madhe reflektohet në Shqipëri dhe çfarë ndodh këtu reflektohet në Britaninë e Madhe. Duhet të viojojnë përpjekjet tona për të fituar këtë luftë“, tha ambasadori britanik. /Opinion.al
