Ambasadori amerikan në Beograd, Christopher Hill deklaroi se Shtetet e Bashkuara të Amerikës do të vëzhgojnë zgjedhjet që do të zhvillohen në katër komunat në veri të Kosovës.
Hill u shpreh se koha më e mirë për të folur, do të të jetë pas përfundimit të procesit zgjedhor, pasi sipas tij të gjitha vendet janë në një moment mjaft kritik dhe domethënës.
“Ne do të vëzhgojmë dhe koha më e mirë për të folur për zgjedhjet është pasi të kenë përfunduar, për të parë se çfarë ndodhi në të vërtetë. Unë do të thoja që jo vetëm vendi im, por edhe shumë vende të tjera mendojnë se nuk është koha e duhur për zgjedhjet, duke qenë se jemi në një moment kritik, një moment shumë domethënës për dialogun që po zhvillohet. Ne besojmë se të gjitha problemet duhet të zgjidhen përmes atij dialogu”, theksoi ai.
Zgjedhjet në katër komunat në veri të Kosovës – Mitrovicë e Veriut, Zveçan, Leposaviç dhe Zubin Potok – do të mbahen të dielën, 23 prill./Opinion.al
