Ambasadori i Italisë në vendin tonë Alberto Cutillo ka zhvilluar një takim me kryeprokuroren e përkohshme Arta Marku paraditen e sotme. Italia është ndër vendet kryesore që bashkëpunon me institucionet e drejtësisë shqiptare, mjafton të kujtojmë se hetimet për Saimir Tahirin morën shkas nga përgjimet e italianëve. Zyrtarisht nuk ka asnjë informacion për takimin dy palësh mes ambasadorit Cutillo dhe kryeprokurores Marku.
Sakaq kujtojmë se ambasdorët kanë shkuar njëri pas tjetrit në zyrën e Kryeprokurores së re Arta Marku, si ambasadorja gjermane Susanne Schutz dhe ambasdori i SHBA-ve, Donald Lu.
