Floriana Garo e ftuar në emisionin “Opinion”, ka deklaruar se ambasadorja Yuri Kim gjatë ekzekutimit të pozicionit të saj në Shqipëri, nuk ka qenë profesionale dhe ka parë interesat e saj.
Teksa po diskutonin për jehonën që do të kishte fitorja e Trump në Shqipëri, ajo ka diskutuar mbi caktimin e ambasadorëve në Shqipëri dhe është shprehur se ‘shpreson që nuk do të vijnë më ambasadorë si Yuri Kim’.
Fevziu: Do të ketë jehonë fitorja e Trump në Shqipëri?
Garo: Kur po diskutonim politikën e jashtme, po mendoja vetëm këtë ‘shpresoj që nuk do të vijnë më ambasadorë si Yuri Kim’.
Fevziu: Kim është firmosur nga Trump.
Garo: Kim është kritikuar për mënyrën se si e ka ekzekutuar pozicionin e saj këtu në Shqipëri, në fakt në një artikull të fundit pra e ka treguar që nuk ka qenë profesionale dhe ka parë interesat e saj.
Shpresoj që të mos kemi ambasadorë që të na ndërhyjnë edhe ambasadorë që mundohen t’i prishin punë opozitës, në raport me pushtetin për përfitimet e tyre personale.
E para kjo do na ndikojë shumë si Shqipëri dhe e dyta sigurisht do të ketë eko.
