Përmes një njoftimi në faqen zyrtare në Facebook ambasada shqiptare në Turqi ka bërë të ditur se nga tërmeti që ra pasditen e djeshme në Turqi nuk është identifikuar deri më tani asnjë shqiptar.
“Tërmeti me magnitudë 6.8 i shkallës rihter goditi të premten në mbrëmje, provincën Elazig rreth 550 kilometra në lindje të kryeqytetit të vendit Ankarasë. Nga ky tërmet deri tani 22 persona humbën jetën.
Ambasada e Republikes se Shqiperise ne Ankara ben me dije se deri tani nuk eshte identifikuar asnjë shtetas shqiptar nga efektet e ketij termeti.
Ambasada shqiptare ne Ankara, se bashku me Konsullaten e Përgjithshme ne Stamboll janë të angazhuara dhe në gadishmëri të plotë për të ndihmuar dhe mbështetur të gjithë shtetasit shqiptarë që mund të jenë prekur nga kjo fatkeqësi natyrore,”-shkruhet në njoftimin e ambasadës.
Pasditen e djeshme Turqia u godit nga një tërmet i fuqishëm 6.8 të shkallës rihter ku mbetën të vdekur 22 persona dhe mijëra janë plagosur dhe gjithashtu janë verifikuar dëme të shumta materiale./Opinion.al/
