Ambasada shqiptare në Francë, njofton se si pasojë e përhapjes së koronavirusit, fluturimi i fundit Paris-Tiranë do jetë ai i datës 19 mars.
Ambasada këshillon të gjithë shtetasit shqiptarë që e kanë të domosdoshëm kthimin në atdhe që të prenotojnë sa më parë biletat.
“Pas komunikimeve të vazhdueshme të Ambasadës së Shqipërisë, kompania ajrore Transavia France konfirmon se fluturimi Paris-Tiranë i datës 19 mars, do të kryhet. Këshillohen të gjithë shtetasit shqiptarë që e kanë të domosdoshëm kthimin në atdhe që të prenotojnë sa më parë biletat në faqen e internetit tê Transavia-s (transavia.com), pasi, pas kësaj date, fluturimet do të ndërpriten të paktën deri më 19 prill 2020”, u shpreh Ambasada e Shqipërisë në Francë./Opinion.al
