Ambasada e Rusisë në Tiranë ka bërë me dije se Rusia është e gatshme të sjellë vaksinën e saj “Sputnik-V” në Shqipëri.
Ambasada Ruse, përmes një postimi në “Facebook” i është drejtuar Endri Fugës, drejtor i komunikimit në kryeministri, të cilit i bën me dije se Fondi Rus i Investimeve Direkte është autorizuar të zhvillojë negociata me vendet, të cilat janë të interesuara për të blerë vaksinat kundër COVID-19.
Gjithashtu, Ambasada e Rusisë në Tiranë bën me dije se vaksinimi me “Sputnik-V” tashmë filloi në Rusi dhe në Argjentinë, ndërkohë më shumë se 50 vende kanë aplikuar për të blerë 1,2 miliard dozë të preparatit.
Postimi i Ambasadës Ruse në Tiranë
I nderuar z. Endri Fuga,
Ju bëjmë me dije se Fondi Rus i Investimeve Direkte (https://rdif.ru/Eng_Index/) është autorizuar të zhvillojë negociata me vendet, të cilat janë të interesuara për të blerë vaksinat kundër COVID-19. Nuk kemi dyshime se Rusia është e gatshme të sjellë vaksinën e saj “Sputnik-V” edhe në Shqipëri. Vaksinimi me “Sputnik-V” tashmë filloi në Rusi dhe në Argjentinë, ndërkohë më shumë se 50 vende kanë aplikuar për të blerë 1,2 miliard dozë të preparatit. Në çdo rast, e përsërisim informacionin e postuar më parë për karakteristikat dhe avantazhet e saj në krahasime me një serë vaksinash të tjera.#stopkoronavirus #ndalCOVID19 #SputnikV/ / Opinion.al
