Aktualitet

Ambasada e SHBA:Peskov fytyra e propagandës ruse, edhe pse nënpunës multimilioner



Bëhu pjesë e Grupit Zyrtar të Opinion.al
>> KËTU <<
               Publikuar në : 11:30 - 14/09/22 |
Opi Nion

Ambasada e SHBA-ve në Tiranë, ka publikuar këtë të mërkurë në faqen zyrtare në “Facebook”,  fytyrën e propagandës së Kremlinit, zëdhënësin e Putin,  Dmitri Peskov.

Sipas ambasadës, Peskov ka luajtur rol kyç në fushatat propogandistike dhe dezinformuese.

Ambasada e SHBA-ve shton më tej se Peskov para luftës në Ukrainë mohoi vazhdimisht se Rusia kishte ndonjë qëllim për të pushtuar fqinjin e saj.

Gjithashtu ambasada thotë se shërbimi ndaj Putin ka qenë mjaft fitimprurës për Peskov i cili edhe pse një nënpunës i thjeshtë civil, ai sëbashku me familjen e tij janë multimilionerë.

“Fytyrat e Propagandës së Kremlinit | Dmitri Peskov ka shërbyer si zëdhënës i Vladimir Putinit që prej vitit 2008. Në këtë cilësi, ai ka luajtur një rol kyç në fushatat propagandistike dhe dezinformuese për të mbuluar lidhjet e Kremlinit me helmimin me polonium të ish-oficerit të inteligjencës ruse Alexander Litvinenko në vitin 2006, helmimin me Novichok të ish-oficerit të inteligjencës ushtarake ruse Sergei Skirpal dhe vajzës së tij Yulia në vitin 2018 dhe helmimin me Novichok të liderit të opozitës ruse Alexei Navalny në vitin 2020.

Përpara se Putini të niste luftën e tij të paprovokuar dhe brutale kundër Ukrainës, Peskov mohoi vazhdimisht se Rusia kishte ndonjë qëllim për të pushtuar fqinjin e saj. Ai pohoi në mënyrë të rreme se Rusia nuk përbënte kërcënim për Ukrainën, se Rusia nuk kishte sulmuar kurrë asnjë komb tjetër dhe se Rusia do të ishte “vendi i fundit në Evropë” që mund të mendonte për fillimin e një lufte. Shërbimi ndaj Putinit ka qenë fitimprurës për Peskovin dhe pavarësisht se ka qenë nëpunës civil gjatë gjithë karrierës së tij, ai dhe familja e tij tani janë multimilionerë.’- shkruhet në një pjesë të njoftimit të ambasadës.

Kujtojmë se Shtetet e Bashkuara të Amerikës dhe BE pas agresionit rus në Ukrainë, sanksionuan zëdhënësin e Putin Dmitri Peskov.

Pas