Nëpërmjet një video-mesazhi Ambasada e Shteteve të Bashkuara në Tiranë ka prezantuar nismën e saj kundër korrupsionit në sistemin e arsimit të lartë në Shqipëri.
Nisma si “Naming and Faming”, Klubi i Avokatëve të Rinj me Integritet si dhe studime mbi arsimin e lartë janë kryer në bashkëpunim dhe Këshillin Rinor të Ambasadës Amerikane dhe Komiteti Shqiptar i Helsinkit për të ndihmuar studentët të ngrenë zërin kundër korrupsionit në arsimin e lartë.
Ambasada njofton gjithashtu se çdo javë do të nënvizojë një nismë që ka ndërmarrë për të luftuar korrupsionin në Shqipëri.
“Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën. Lufta kundër korrupsionit është prioritet i punës së Ambasadës së Shteteve të Bashkuara në Tiranë. Çdo javë do të nënvizojmë një nismë që kemi ndërmarrë për të luftuar korrupsionin në Shqipëri. Këtë javë, mësoni më shumë mbi projektet që Ambasada e Sh.B.A-së ka financuar, në bashkëpunim dhe Këshillin Rinor të Ambasadës Amerikane dhe Komiteti Shqiptar i Helsinkit, për të ndihmuar studentët të ngrenë zërin kundër korrupsionit në arsimin e lartë” ./ Opinion.al
