Ambasada e Shteteve të Bashkuara të Amerikës në Tiranë ka reaguar lidhur me protestën e 16 shkurtit, të paralajmëruar prej ditësh nga opozita, me anë të një statusi në rrjetin social Facebook.
Në statusin e postuar nga faqja zyrtare e ambasadës, dy ditë para protestës, iu bëhet thirrje udhëheqësve politikë shqiptarë, të refuzojnë dhunën dhe të sigurohen që protestat të zhvillohen paqësisht dhe në mënyrë konstruktive, pasi dhuna kundër njerëzve ose pronës është e papranueshme.
Statusi i plotë i ambasades amerikane:
??️ | E drejta e qytetarëve për t’u mbledhur, për t’i bërë kërkesa qeverisë dhe për të protestuar për ndryshim pozitiv janë simbole të një shoqërie demokratike të lirë dhe të shëndetshme. Është një e drejtë që ushtrohet shpesh në Shtetet e Bashkuara. Megjithatë, kjo e drejtë duhet ushtruar paqësisht. Dhuna kundër njerëzve ose pronës është e papranueshme. Ne iu bëjmë thirrje të gjithë atyre që janë përfshirë në protestën e së shtunës, dhe të gjithë udhëheqësve politikë shqiptarë, të refuzojnë dhunën dhe të sigurohen që protestat të zhvillohen paqësisht dhe në mënyrë konstruktive.
??️ | The right to peacefully assemble, petition the government, and protest for positive change are hallmarks of a free and healthy democratic society. It is a right exercised often in the United States. However, this right must be exercised peacefully. Violence against people or property is unacceptable. We call upon all involved in Saturday’s protest, and all of Albania’s political leaders, to reject violence and ensure the demonstrations are conducted peacefully and constructively./E.M
