Ambasada e Shteteve të Bashkuara të Amerikës ka publikuar një tjetër video ku jep informacion për qytetarët në lidhje me institucionet e reformës në drejtësi.
Pas videove për reformën në drejtësi, Gjykatën Kushtetuese, vettingun dhe SPAK, në materialin e radhës Ambasada sqaron se çfarë është Byroja Kombëtare e Hetimit ose BKH.
BKH është një institucion i cili do të ndihmojë SPAK në hetimin e rasteve të korrupsionit në nivele të larta. Ngritja e BKH pritet të bëhet pas ngritjes së SPAK megjithatë ky institucion parashikohej që të ishte në funksion njëkohësisht me SPAK por si pasojë e ngërçit në sistemin e drejtësisë si dhe vettingut në radhët e policisë ngritja e BHK do të bëhet në një periudhë tjetër. /Opinion.al
Çfarë është BKH? Përse është e rëndësishme BKH? Shikoni këtë video për të mësuar se si BKH dhe Prokurorët e Posaçëm do të jenë në gjendje të hetojnë korrupsionin në nivelet më të larta: https://t.co/Ql1mxFtcWL#WhatisJusticeReform #StopCorruption
— USEmbassyTirana (@USEmbassyTirana) August 27, 2019
