Ambasada amerikane në Shqipëri ka reaguar pas votimit të djeshëm në OKB për Jeruzalemin, ku Shqipëria u rreshtua në vendet kundër Trump-it.
Sipas saj, tashmë Jeruzalemi është kryeqytet i Izraelit si një e vertetë e patjetërsueshme dhe SHBA do të vazhdojë të punojë për paqen. Siç do të lexoni në deklaratën më poshtë ambasada nuk mban qendrim ndaj votës së Shqipërisë.
Deklarata e plotë e ambasadës amerikane në Tiranë
Deklarata e Presidentit afirmoi realitetin e tanishëm dhe historik të Jeruzalemit si kryeqytet i Izraelit. Shtetet e Bashkuara pranuan të vërtetën e thjeshtë se Jeruzalemi është qendra e legjislaturës, kryeministrit dhe gjykatës së lartë të Izraelit. Ne do të vazhdojmë të punojmë për paqen. Një proces që shpresojmë do të ofrojë rezultatin më të mirë si për popullin izraelit ashtu dhe atë të palestinez.
Asambleja e Përgjithshme e OKB-së ka miratuar të enjten një rezolutë që i bën thirrje Shteteve të Bashkuara të Amerikës të tërhiqet nga vendimi i saj për njohjen e Jeruzalemit si kryeqytet të Izraelit.
Rezoluta jodetyruese u miratua nga 128 shtete, 9 votuan kundër dhe 35 vende abstenuan. Mes vendeve që votuan kundër SHBA-së dhe pro rezolutës së OKB është edhe Shqipëria. (shih tabelën më poshtë)
